|
Post by Gig on Mar 22, 2005 17:26:06 GMT -5
wor iats amoal so a bericht dass der rassismus in europa ständig wochst, seid 2003 hom sich rassistische gewolttoten verdoppelt, in frankreich und deitschlond gewinnen frisch ollaweil mehr rassistische parteien olm mehr wähler. helfts mor weiter i schoffs net zu verstian wieso di menschen net gscheider wern, und vor ollem wieso die menschen lei an sich denken.
|
|
|
Post by Jimmy Kowalsky on Mar 30, 2005 3:42:29 GMT -5
i konn mor lei denken, das die Leit net mit der schnellen Osterweiterung fertig wern...
|
|
|
Post by michael on Mar 30, 2005 18:10:40 GMT -5
i hon do an volle interessantn lesorbrief gfundn über die gründe von rassismus... home.t-online.de/Home/Manfred.Hiebl/rassismus.htmdorschreckts net, die formatierung isch a bissl scheisse - er schaug ewig long aus, ischer obor net und zohlt sich aus amoll durchzulesn.
|
|
|
Post by michael on Apr 14, 2005 5:46:19 GMT -5
irgndjemand durchglesn? irgend a feedback? kennts mor a sogn dass des a komplettor schwochsinn isch... obor bitte sogs eppes
|
|
|
Post by Jimmy Kowalsky on Apr 14, 2005 11:46:48 GMT -5
insgesomt find is a volle guate zusommenfossung dorvun, wia Rassismus entsteat usw. Die Bewertung von Rassismus hingegen find i schlecht, weil rein naturwissenschoftlich bewertet werd. I konn mor kaum vorstellen, dasses je lei oane Ort von Menschen geben werd. sell tat mor a net passen. und es werd decht net die oanzige Lösung af des Problem sein, oder?
|
|
|
Post by michael on Apr 14, 2005 12:59:14 GMT -5
logisch net logisch net. die bewertung isch a bissl schwoch jo... und die lösung isch wedor realistisch no wünschenswert. Lei wos seinen die alternativn lösungen?
des isch die groaße froge... wia konn man rassismus wirksom bekämpfen...
|
|
Fabian Jimmy Kowalsky
Guest
|
Post by Fabian Jimmy Kowalsky on Apr 15, 2005 2:52:08 GMT -5
es isch volle schwar, aus die Menschen die Vorurteile außerzubringen. Sobold oan eppes an jemand stört, werds kategorisiert und als Eigenschoft der Gruppe, zu der derjenige gheart, erkennt. Wenn man zB a Frau in Verkehr vor sich hot und de fohrt schlecht, donn sog man sich: FRAU isch so und so. Wenn man hingegen an Monn vor sich hot, donn erkennt man sell net als schlechte Eigenschoft der Gruppe Mann, sondern lei von den spezifischen Typ, der grod so mittig die Kurven schneidet.
(Ob man sell selber vielleicht a tuat? ob man vielleicht net besser fohrt als derjenige? Oder vielleicht isches gor net so schlimm, wia der fohrt; er isch jo schließlich a Monn wia i, und er werd schun nix so folsches mochen...)
Wos i dormit sogn will isch, dass man sich olm wieder dorbei erwischt, wia man in die "Ondern" schlechte Sochen erkennt, de man ba sich ignoriert. (i konn mor denken, des isch, damit man mit sich selber zufrieden isch, und net schuldgefühle in sich trogen muas. Besser als des donn zu verändern, wos man schlecht mocht, holtet mans donn oanfoch für guat) Und je Onderschter a Mensch isch, desto leichter isches, jemand a schlechte Eigenschoft zuazuordnen, weil man sich denkt: der isch sooo ondersch als i, i hon sicher net de schlechte Eigenschoft; also konn i von denjenigen getrost sogen, dass er so und so isch, und nia werds af mi zrugfollen. (wos man vielleicht ba sein Bruader net mochen kannet, weil man sich sem olm frogn tat: bin i vielleicht a so?)
Wenn man des einsig, isches oft gonz leicht zu segn, wo und wenn man dorzua neig, sich Feindbilder aufzubauen. Sei es es ondere Geschlecht, an ondere Rasse, sogor lei an ondere Kultur (wia zB die Italienische für mi). Schwar isches ober decht donn zu sogn: na des derf i iats net so kategorisieren, weil i woas, dasses net richtig isch. Sell erfordert, von mir aus gsegn, volle viel Energie...
i hoff i hon koan scheiß gschrieben... Michael bisch du eigentlich dor Hofer?
|
|
|
Post by michael on Apr 15, 2005 5:25:40 GMT -5
scheiss hosch koan gschriebm, obor unschtrengend zu lesn wors =), volle abstrakt, obor i denk i hon die vorstondn.
übrigns jo, i bin dor hofer.
kategorisiern tiamor ebm oanfoch gern jo... des gib oan a bestimmte befriedigung irgndwia. wenn i sog "scheiss bullenschweine", weil i grod a prozess lafn hon wegn a cagata und nor wos woaß i an film sig wo sie demonstranten prügeln, nor sog i glei: "ha! Scheiss bullnwixer". I bin aufgebrocht wegn dem scheiss orschloch der mir a strof gebm hot de er in ondere net gebm het lei weil i wia penner ausschaug...(bsp.) nor her i oder sig i irgndeppes wos im fernsehr genau übor meine vorhosstn bulln laft, eigentlich gonz ondere personen als de, mit de i schlechte erfohrungen gmocht hon, magari gonz in an ondern lond untor ondere umstände hondln, obor auf sell will i gor net denkn, i beurteil i sie glei, kategorisier sie, nimm sie her um meine wuat zu nähren, de eigentlich lei in Zweck hot, eppes gonz onderes in mir zu vorbergn...
A Denkerleichterung... i grenz gonz oanfoch des aus, wos mor generell aufn sack geaht, ohne die genaun hintergründe wissn oder vorstian zu welln, de wos magari aussorbrengen, dass meine kategorisierung net gonz berechtigt isch. Sell will i gor net. I will gor net wissn dass die Polizischtn vielleicht viele magari lei "ihre orbeit tian" wenn sie ins a strof gebm, dass sie vielleicht a lei leit sein wia du und i, dasses vielleicht an mir liegn kannat, oder dass sie bei demos selbor ongscht hobm und deswegn prügeln, oder wos woaß i..
(Sellwegn sein meiner Meinung noch die radikaln Linkn in der Hinsicht a Faschischtn, weil genauso ausgrenzn, genauso Scheukloppm aufhobm, und in sochn nix onders sechn welln als des wos ihrn stondpunkt unterstreicht, und ihr stondpunkt es oanzige isch, an des sie sich feschtklommern kennen.)
ersetz die "Bullnschweine" vom Beispiel obm mit "Neger" "Judenschweine", "Walsche".... nor vorsteasch wos i moan.
i hoff a dass i koan scheiss gschriebm hon, bissl konfus a vielleicht konn decht jemand eppes dormit unfongen
|
|
|
Post by Gig on Apr 15, 2005 17:34:02 GMT -5
i woas i schweif vom thema o, i woas a net obs di überhaup interessiert, ober: i bezeichn polizisten ah gern als bullenschweine, oft oanfoch lei weilse mor schleg drohen oder mir multe geben, weili ihmene net gfoll, für de i gor nix derfir konn. und do gonz oanfoch zu sogen "de tian ah lei ihre orbeit" findi net richtig. nemmer un die chefs in dem lond legalisieren prostitution, nuttenhondel guats gscheft, mit dem man viel geld mochen konn, tasch sem ah sogen der frauenhändler tuat jo lei seine orbeit? bullen terfen koane prinzipien hoben, ob in ihre augen eppes gerecht isch oder net, terf für ihmene koane bedeutung hoben, gesetz wert jo net von di bullen beschlossen. isch jo ah wichtig, wenn di bullen unfongen tatn selber zu denken und net blind zu gehorchen, tatn die oberhäupter jo di mocht verlieren. i sig bullen oanfoch als söldner für an stoot, in dem i nix zu suachen hon, schun amoal deswegen verdianen sie sich laut mir schweine gnennt zu werden (nix gegen schweine) wos dein link über rassismus ungeat: i tua mor schwar s zuazugeben, ober wor bis iats olm zu faul den durchzulesen, und i scham mi a derfir. des holi schun no noch, ober net iats
|
|
|
Post by Jimmy Kowalsky on Apr 15, 2005 18:44:39 GMT -5
wenn du in Stoot hossch, donn muasch a die Menschen in Stoot hossen, weil lei durch die Menschen in Stoot werd der Stoot dorzua, wos er isch. richtig, von ins. Wenn also du di hosssch, weil du a Teil von Stoot bisch, donn sein jo die Bullen a lei gleich wia du, oder net? i glab, das dor Michael net gmoant hot, es isch gerechtfertigt, wos die Bullen tian, sondern er hot gschrieben, dass es oanfoch isch olm olles in de Richtung einzuordnen, in der mans gern hett, und sell war holt bei Bullen, dass sie zB ungerecht sein, und man nimp jeden Unloss dorzua her, de Meinung zu stärken michael: des mitn bullenschwein durch Neger oder ... ersetzen find i volle guat, dasses zun schluss gschrieben hosch, donn denkt man sich zerscht: jojo genau so isches bei die Scheiß-Bullen, und donn kreg man a Brett vorn Kopf mit die ondern Beispiele net dass mir so gongen war, bin jo a offener und toleranter typ ...
|
|
|
Post by Gig on Apr 16, 2005 2:18:22 GMT -5
wos du net so versteasch, i sig mi net als toal von dem system, i woas dassi nirgends einipassen wer, weili oanfoch onders denk als di meischten, außerdem häng sel ah damit zomm dassi wirklich di meischten leit hoss. i konn net stolz zu di wohlen gian und jemand wählen, weil i do oanfoch koan sinn sig, kannt deswegen nia sogen, de leit sein von mir/ins gwählt worden, weili koan ins erkenn. außerdem glabi hosch du olm no nia kapiert, dass di di leit wia dreck behondeln wenn net so ausschaugsch wias ihmene passt. leg di amoal onders un und probier donn obse di eini lossen wenn es haydn orchester spielt. außerdem wert dor stoot von der mehrheit gmocht net von olle menschen, also brauchi mi net selber hossen außerdem honi shcun verstonden dass der michael mit dem bullenschweine usw. net sein stondpunkt vertretet, sondern dass er es thema oanfoch objektiv behondelt
|
|
|
Post by Jimmy Kowalsky on Apr 16, 2005 3:50:18 GMT -5
i find net, dass irgendjemand besser isch, als dor Rescht. I hoss die Leit a in ollgemeinen, ihre bestrebungen und f�r wos se k�mpfen, ober i denk mor, dass i gleich pled bin wia die ondern. I will a net Toal von den System sein, ober mir kimp fiar, dadurch, dass die Leit so sein, wia se eben sein, entsteat des System. i bin Toal von den, solong i drin leb, und sell tian mir olle. Mir sein olle drauf ungewiesen, dass insere Gesellschoft funktioniert. Mir miasn essen und trinken, mir brauchen gwond, a Haus und Heizung; und zun sem brauch mor die ondern Menschen, mir brauchen a Netzwerk von Leit, de sich drum k�mmern, dass olles funktioniert. Und des isch die Gesellschoft.
Net zu waehlen oder zu sogn, die Politiker sein e olle scheisse, sell isch fuer mi, sich vor Verontwortung zu drucken, de JEDER von ins hot. Naemlich die Verontwortung, dass inser Dorf/Lond/Stoot net total in die Eier geat. Fuer sell sein mir OLLE zuastaendig.
Es isch leicht zu sogn: i bin net toal von der Welt, also kuemmer i mi a net drum. konsch du ober wirklich sogn: i bin besser als die ondern? i ghear net zu de 6 milliarden schof, de do umerhaussen und nix gscheids zomkregn? und eigentlich a: bediant mi, weil i tua nix dorfiar, dass inser Leben do funktioniert.
Wenn sogsch, i bin wirklich net toal von enk, donn isch die oanzige logische Konsequenz, dass du dein Rucksock nimsch und irgendwo hingeasch, wo s dor besser passt. Weil do bleiben sell hoa�t donn, die ondern ausnutzen, weil du von die ondern lebsch, ober net a Toal von ihmene sein willsch. Des isch gleich wia wenn du unter a Kua ligsch, ihre Milch saufsch (oder Bier, wenns a Bierkua isch :-), und donn sogsch, a de Kua versperrt mor die Sunn und stinkt a no dorzua.
und no eppes: sei net olm glei gecazzt, wenn i mit dir diskutier, i bin schun long nimmer dein groasser Bruader, der dor sog, wos denken muasch, und du brauchsch a net mein kloaner Bruader sein, der sich dorgegen wehrt. I schreib/red mit dir gleich wia mit olle ondern Menschen.
|
|
|
Post by Gig on Apr 16, 2005 8:14:07 GMT -5
schun guat, verstian tuasch mi deswegen decht net. hon nia gsog dassi besser bin als der rest, ober dassi ondersch denk als der rescht. wos es wehlen ungeat hosch ah net verstonden, weili net gsog hon dass für mi olle politiker scheisse sein, sondern dassi wählen gea und mir dernoch denk, für wos honi des iats getun. durch wählen wert des lond nia so werden wia is mer wünsch, und ah net annähernd. do hilft der beschte wille nix. wos i ober traurig find, isch dass du dir bei dem wos i schreib soviel vorurteilshofte sochen derzuaerfindesch, weil du denksch mi guat zu kennen. behondelsch mi woll dechtersch net wia jeden ondern. passt eh guat zum thema
|
|
|
Post by michael on Apr 16, 2005 8:18:43 GMT -5
Gigi tat net sogn dass i die soch objektiv behondlt hon. i hon meine meinung gsog.... wenn i objektiv sein wellat terfat i jo gor net meine meinung sogn sondern lei nüchterne Faktn. I will lei vorsuachn mi net auf an "Stondpunkt" (wia schun es wort "Punkt" sog) einzugrenzn, mi net in mein Stondpunkthaisl zu vorbarrikadiern; a wenns mors no so guat passt in meinem heisl, sollat i mor amoll an ruck gebm und aussigian, a wenns draussn kolt isch, und man sich nirgns niedorsitzn konn und man von die ondern leit in ihre stondpunktheisln als stondpunktloser (rückgratloser) feigling beschumpfn werd...; vielleicht amoll zu an ondern heisl innigian und klopfn, in die leit zuhorchn wos sie zu sogn hobm, nor horchn sie dor vielleicht a zua. nor kemmen sie vielleicht a aussor... und nor lebmor olle friedlich bis ans ende unserer tage. des hert sich naiv, verträumt, märchenhoft un - isches wohrscheinlich a... obor i losses decht amoll stian. irgendeppes isch an jedem märchen drun Wenn mor mindigschtns ob und zua aussn fenschtor aussischaugn tatn...
|
|
|
Post by Jimmy Kowalsky on Apr 17, 2005 4:28:15 GMT -5
Gig: du hosch jo wohrscheinlich gor net amol durchglesn , wos i gschrieben hon, hosch wieder lei drauf geontwortet, wia du die schlecht von mir behondelt fühlsch. und 2. glabsch e dass i net verstea, wos du denksch, deswegen hots koan sinn mehr weiterzudiskutieren. hon iats 4 absätze gschrieben, in de i versuacht hon, dir eppes zu erklären und du bringsch als oanziges: du versteasch mi net. konn mor net denken, dass du mi besser versteasch, wenn net in stond bisch, af mi zu ontworten. ober i gibs decht net auf: i sig di von außen, und sell isch oftramol wichtig, für di kons a fein sein, sell zu segn. und i sig holt a guate sochen von dir, ober eben a schlechte, sell isch bei briader eben so. i sig holt (vielleicht sig i lei in schlechten Toal von dir), dass du wianig tuasch, wos deine Holtung bestätigen tat. zB, wenn du die Mocht hesch, tasch du a gegen Bullen ondersch vorgian, als du gegen ondere Menschen vorgian tasch, schun lei weil du so voreingnummen bisch gegenüber bullen (seinmor e ban Thema, schun wieder). Donn verlongsch ober von die Bullen, dass sie net voreingnummen sein, und sell gegenüber dir, wo se wissen, dass du se net mogsch (gleich wia du woasch, dass olle Bullen Orschlöcher sein, wos du mor amol sogor gsog hosch, schun lei ausn Grund, dass se fürn Stoot orbeiten; wenn i di richgtig verstonden hon, mi richtig erinner). So megn sie di a net, genau weil du gegen ihren Stoot bisch, und sie wissen, dass du olles tuasch, in Stoot zu vernichten. Wenn se also so sein wia du, und von vorn herein a gruppe von Leit net megen, weil se an ondere Meinung hobn, wia man selber, donn konn man sich denken, wieso se di net megn. michael: des find i volle schian wos gsog hosch, du Träumer i kim a amol außer, donn trink mor eppes zusommen.
|
|